DINA JEMPLINGNA PEUTING, NGAHERANG NEUTEUP LALANGIT KACIPTA TANGTUNGAN NU DI PIMELANG NU LAWAS TEU MIROSEA IMUT MANIS NGAGUPAY NGEMBENG CIPANON HATE NGOLEMBAR MARENGAN GETERNA ASIH NU MANTENG  

DINA KUMAMBANGNA RASA TEU DAYA TEU WASA NYIDEM GUNEM BOA URANG BAKAL PEGAT SIMPAY CUKANG AWI PAMEUNTASAN GEUS NGABENTANG PIKEUN LILIWATAN URANG, NU BAKAL PISAH DI PENGKOLAN  

URANG PADA SEWANG LAMPAH MILIH JALAN MULANG DEUI KA SARAKAN BANJAR KARANG PAMIDANGAN NAJAN BEURAT KUDU PISAH ,BONGANNA GEUS NGARANGRANGAN BATAN LEUMPANG RARAMPAYAKAN,URANG PILIH JALAN BUNTU  

URANG TUTUP LALANGSE HATE, JEUNG TIBATAN URANG CAPE IEU IMUT NU PAMUNGKAS MULAS RASA KEUR MEPENDE PANASNA POE SUGAN BAE BISA TINGTRIM, NAJAN ASIH TEU SUMANDING HAMPURA KALANGKANG RASA,MUGA URANG BISA TIBRA NGEUSIAN JEMPLINGNA PEUTING                        

 ***********                                 
KUNINGAN,8 SEPTEMBER 2008